Ég ólst upp á Vestfjörðum, þar sem nálægðin við öfluga og ósnortna náttúru vakti áhuga minn á villtum íslenskum jurtum og lækningamætti þeirra.

Árið 1990 fór ég að glíma við heilsuvandamál og fór þá að huga betur að því sem ég borðaði og bar á húðina. Í kjölfarið hóf ég leit að árangursríkum húðvörum án skaðlegra efna, en fann engar. Ég ákvað því að þróa mínar eigin, byggðar á vísidóm, verkkunnáttu og hefðum sem gengið höfðu mann af manni á Íslandi öldum saman.

Í fyrstu voru smyrslin eingöngu fyrir mig og fjölskylduna, en árangurinn lét ekki á sér standa, virknin fréttist út fyrir fjölskylduna og eftirspurnin jókst hratt. Þetta var upphafið að VILLIMEY. 

Árið 2005 kom VILLIMEY með lífrænar húðvörurnar á markað. Í kjölfarið hófst tveggja ára lífrænt vottunarferli og árið 2007 fengum við lífræna vottun. Þá var jafnframt stærsta landsvæði á Íslandi vottað lífrænt til söfnunar villtra jurta. Árið 2015 var virkni jurtaformúla okkar staðfest með lífvirknirannsókn sem framkvæmd var af Matís, óháðum þriðja aðila. Í dag fást húðvörur okkar í flestum apótekum landsins og völdum verslunum, auk þess sem við sendum vörur um allan heim. 

Ég er afar stolt af því sem við höfum skapað en þó stoltust af því að VILLIMEY hefur fengið að styðja og hlúa að einstaklingum sem á þurfa að halda og veitt þeim bætta líðan. Það hefur verið leiðarljósið allt frá upphafi.

Með ást,
Aðalbjörg
Stofnandi og Framkvæmdastjóri Villimeyjar

Við setjum viðmiðið hærra. Húðvörurnar okkar eru ekki aðeins lífrænar, heldur lífrænt vottaðar í heild sinni og uppfylla því ströngustu alþjóðlegu kröfur um gæði, hreinleika og sjálfbærni.

Í heimi þar sem auðvelt er fyrir fyrirtæki að nota hugtök á borð við „lífrænt“ og "náttúrulegt" án skýrrar staðfestingar, höfum við frá upphafi valið gagnsæi.

Vörurnar okkar eru vottaðar af TÚN, faggildri eftirlits- og vottunarstofu, sem tryggir að húðvörurnar okkar séu í raun og veru lífrænar, hreinar og náttúrulegar.

Fyrir þig þýðir það að þú getur treyst því húðvörurnar okkar eru nákvæmlega það sem þær segist vera; hreinar, náttúrulegar, lífrænar og unnar með virðingu fyrir náttúrunni.

Rætur Villimeyjar liggja í ósnortinni náttúru Vestfjarða og í villtu íslenskum jurtum sem við handtíndum þar, þegar virkni þeirra er hve mest.

Hver jurt er valin fyrir sérstöku eiginleika sína og handunnin með vönduðum aðferðum Villimeyjar, sem varðveita einstaka virkni þeirra og gæði.